Hún á afmæli í dag!

Dagur 3

Jæja þá er stærsti dagur ársins runninn upp. Jebb afmælið mitt. Ég er rosalega mikið afmælisbarn og finnst þetta einn af skemmtilegustu dögum á árinu. Held nánast alltaf uppá það og auðvitað er dagurinn í dag engin undantekning. Ætla bara að hafa svona smá létta rétti fyrir fjölskyldu og vini.

***

Ég er búin að fá eina afmælisgjöf og var hún frá strákunum mínum. Þeir gáfu mér mjög fallegt armband og þakka ég kærlega fyrir það ;). Annars fannst mér það allra besta að fá að sofa út. Já það þarf orðið lítið til að gleðja mann og þið sem getið sofið út þegar ykkur hentar þá segi ég njótið vel. Ég fór í sturtu í morgun og náði ekki einu sinni að raka á mér báða fótleggi!! Já maður þarf að taka svona lagað í skorpum, þegar tveir strákar eru alltaf hangandi á hurðinni hjá mér.

***

Þegar ég lagðist á koddann eftir skemmtilegt kvöld á kaffihúsi með Kalla, þá þaut í gegnum hugan allt það sem ég ætlaði að blogga í dag. Auðvitað er ég búin að gleyma meira en helming af því. En það var eitthvað í sambandi við flugelda og Ásgeir ;) Jájá við áttum skemmtilegtt "spjall" rétt í svefnrofunum. En stundum kemur bara ekki það sem maður ætlaði að skrifa um, heppinn ertu í dag Ásgeir minn!!

***

Hvað var þú meira sem ég ætlaði að segja ykkur?? Hummm... Já nei þar er það bara upp talið að ég held. Þessi tölvudrusla er alveg að skíta á sig...hún er svo hrykalega lengi að opna sig og opna öll forrit að ég bara er ekki að nenna þessu...hún er meira segja bara enn að gera stjörnurnar sem eru hér fyrir ofan! Þar sem mér var gerður ljótur grikkur um daginn setti ég í hana svaka vírusvörn , kannksi er það það sem er að? Hver veit?

***

Jæja ...barnið mitt er að fríka út og ég líka! Svo er ég að fara að kaupa inn fyrir afmælið :)

Heyrumst á morgun.

Svo ung og fríð.

Dagur 2

Góðan daginn.

***

Nú er klukkan ekki orðin 11 að morgni en samt er ég mætt og byrjuð að blogga! Þetta er aðeins annar dagurinn og ég sé fram á erfiða áskorun. En eins og ég hef áður sagt þá tek ég bara þátt ef ég veit að ég eigi möguleika á að vinna. Minnir að ég hafi malað Netverjann síðast, þá gafst hann upp. Þannig að nú verður spennandi að sjá hvað verður!

***

Gaman að sjá hvað margir hafa trú á mér í könnuninni. Eins og staðan var áðan voru 50% sem vissu ekki að ég gæti gert svona en fannst það sniðugt samt. Ég kannski lít út fyrir að vera ljóska og haga mér kannksi stundum þannig en boyóboy ég er sko fluggáfuð og veit lengra en nef mitt nær og er það nú ekki í minni kantinum get ég sagt ykkur!

***

Dreymdi skemmtilegan draum í nótt. Var í Víkinni hjá ömmu í kjallaranum og Kristrún var hjá mér. Mér hafði verið gefið alveg svakalega mikið af efnisströngum og var að spá í að fara að sauma mér náttföt. Sá að saumavélin hennar mömmu var í einu horninu og Kristrún var að hjálpa mér að velja efnið! Svo var ég spilandi á munnhörpu og ný búin að baka kanelsnúða sem ég gaf alla til Kristrúnar :) Ekki slæmt...þið draumaspekúlantar, hvað táknar þetta nú allt?

***

Eitthvað held ég að veðrið sé á röngum stað í tilverunni, það er haustveður úti (rok og rigning) og 8 stiga hiti. Það er hávetur!! Hvar er snjórinn? Ég er meira til í snjó en þetta votviðri, það er nóg af því á vorin, sumrin og haustin. Vil fá smá tilbreytingu í þetta. Annars er daginn farið að lengja um eitt hænufet og með hækkandi sól byrtir í sálum vorum!

***

Jæja held ég sé farin að bulla og ekki er ætlunin að vera með bull í þennan mánuð, heldur verður þetta fróðlegt og uppbyggjandi færslur. Jahhh eða daprar og bitrar. Fer allt eftir skapi mínu.

***

HH 26 ára kveður í síðasta sinn svo ung!

I´m crazy

Jæja þá er ekkert að vanbúnaði. Hefst þá mánaðar bloggáskorun.

***

Auðvitða vil ég byrja á því að óska öllum gleðilegra jóla þrátt fyrir að þau séu nú búin og vona ég innilega að allir hafi haft það gott og fengið eitthvað fallegt. Ég fékk fullt af flottu dóti og ánægð með allt saman held ég bara, já svei mér þá.

***

Til að svara þér elsku Kristrún mín, þá hef ég hreinlega ekki hugmynd um hver það er sem er svona illa uppalinn að brjótast inná annara manna síður. Þekki sem betur fer bara siðprúða einstaklinga. Hef aldrei hitt (svo ég viti) þennan gaur og hvað þá í partýið hjá kidda dúll!!! Og mikið hlýtur hann að hrífast af óléttum konum hafi hann hitt mig fyrir fjórum árum, því allir sem mig þekkja vita hvernig ég var á mig komin fyrir fjórum árum! En ég veit að ég er alltaf sæt, það er ekki það!

***

Talandi um þennan illauppalda einstakling, þá vil ég fá að vita, ef hann er að lesa þetta, ertu búinn að hakka þig inná MSN-ið mitt??? Já ég kemst ekki inná það, alltaf rangt lykilorð sem er MJÖG spes, er ekki vön að gleyma svona einhverju sem ég nota daglega og oft á dag! Þú mátt vinsamlegast skila mér þessu öllu takk fyrir. Þannig að ég vona að engin sé að verða fyrir áreiti af mínu msn-i því ekki er það ég sem er þar! Mér finnst þetta vera árás á mig persónulega og tek því MJÖG ILLA. Þeir sem hafa séð mig reiða vilja ekki lenda í því daglega.

***

Man ekkert hvað þetta átti að vera mörg orð eða slög en ég held að ég sé búin með kvótann í dag.

***

Njótið vel og varist varga.

I´m back.

Jæja...
Er að tékka hvort þetta sé að heppnast hjá mér. Læt ekki taka mig svona illilega í já einmitt.

***

Ég klikka ekki á áskoruninni og veit ekki hreinlega ekki hver gerir svona lagað!

Bless
Halldóra H

Það var brotist inn á bloggið þitt og því var stolið!

Hvernig getur maður lennt í þessu kæra Halldóra?

p.s. ég breytti lykilorðinu þínu, nú á ég þetta blogg! :)

Elsku Aðdáendur,

Ég er kominn með nýtt blogg. Það er alltaf skemmtilegra að blogga á öðrum bloggum heldur en á sínu eigin. En hingað er ég kominn, þið getið lesið mig og mínar daglegu færslur.

Ég hef séð þessa skvísu Halldóru. Ef ég man rétt vorum við saman í partýi hjá Kidda Dúll fyrir svona fjórum árum. Ég gerði hosur mínar grænar fyrir kroppnum, en hún sagði nei. Það segir engin nei við mig - allavega ekki oft! Ég er vanur að veiða svona gellur til hægri og vinstri, ég þarf bara að muna eftir því að taka hringinn af mér!

Ég fékk fullt af ömurlegum jólagjöfum, ég geri ráð fyrir því að skila þessu flestu. Réttast væri líka að senda ættingjum og öðru pakki reikning fyrir mismuninum. Ég gef alltaf flottar gjafir, en fæ svo bara eitthvað rusl til baka. Ég gaf einum félaga mínum Íslenskir Hellar og ég fékk Pottþétt Jól 2002 í staðinn. 15 þúsund kall þar!

Jæja, ég nenni ekki að hanga lengur fyrir framan tölvuna, var nógu lengi að krakka lykilorðið á þessu bloggi - en já - Halldóra; þú færð bloggið þitt aftur ef þú ferð á deit með mér! :D

Bless!