Þrjú hjól undir bílnum en áfram skröltir hann þó.

jahérna, maður rétt nær að koma heim blogga eitt blogg og svo er maður rokinn aftur.
***
Ættamótið um helgina var mjög fínt og ekki skemmdi veðrið fyrir, það var sól og blíða allan tímann :). Á sunnudeginum kom Ásgeir svo að sækja okkur (hann var sko ekki með á mótinu) og við brunuðum Norður til tengdó og vorum þar í sumarbústað framá þriðjudag. Á heimleiðinni ákváðum við að fara aðeins aðra leið og fórum yfir Kjöl. Vááá stelpur ef þið ætlið yfir Kjöl, munið að vera í góðum íþróttatopp ;) Vegurinn s.s. ekki mjög góður. En við komumst nú heim á endanum þreytt og glöð.
***
Svo er ég og Ólafur að bruna á morgun vestur í Skötufjörð þar sem systir mín hún Lilja og hennar ektamaður Gunnar eru landeigendur. Mágur minn á stórafmæli og verður slegið upp heljarinnar veislu þar :) Komum heim aftur á mánudag og þá tekur held ég bara við að klára brúðkaupsundirbúning og komu Ítalanna :)
***
Jæja vildi bara láta ykkur vita að ég er á lífi og verð nú duglegri að skrifa eftir öll þessi ferðalög.
Hendi líka inn myndum úr ferðunum á Barnalandið ekki missa af því!!
Ferða kveðja
Halldóra