Many times I've been alone and many times I've cried

Þá er komið að færslu dagsins. Eitthvað var fátt um viðbrögð við síðustu færslu og hef ég öruggar heimildir fyrir því að prumpu brandarar mínir eru ekki að slá í gegn! (Sorry Kristín).

***

Snúum okkur þá að alvarlegri málefnum. Góð vinur minn Paul McCartney á í mikilli baráttu þessa dagana. Tí*** hún Heather er að reyna að ganga frá gamla manninum og á hún EKKI miklar þakkir skyldar fyrir það. Þeir sem þekkja Paul vita auðvitað hið sanna en ég vil bara kristna ykkur líka og trúa engu sem kemur úr munni hennar. Ég er með fólk í vinnu hjá mér við að afla heimilda um málið og þetta hér var unnið fyrir mig. Kall greyið er að visna upp en það er sko eins gott að fara vel með sig því eitt af því sem ég á eftir að gera áður en ég dey jahh eða áður en hann deyr er að fara á tónleika með kappanum.

***

Ég hef nú ekki farið á marga "alvöru" tónleika í gegnum tíðina. Þó sá ég Blur hér í denn og svo fór ég á The Shadows sem var hrein snilld. Svo í gær í Morgunblaðinu sá ég góðar fréttir. Drottningin Dolly er að fara að túra um norðanverða Evrópu :) Auðvitað mun ég fara, ekki spurning. Hef fengið nokkur góð viðbrögð og fólk vill endilega slást í för með mér. Kannski að við þurfum að leigja vél undir allt liðið (tilgreini ekki hversu stóra vél). En þeir sem verða að sjá Dolly áður en hún deyr eða við eru beðnir að kommenta hér fyrir neðan.

***

Át hrefnukjöt í vinnunni í gær. Það var hrátt og bragðaðist vel. Hef ekki myndað mér skoðun á Hvalveiðum íslendinga en eitt er víst að kjötið sem ég fékk í gær var gott, (Sorry Paul!!). En fræðingar segja að stofnin sé ekki í útrýmingarhættu og óhætt að veiða 200 dýr án þess að skaða stofnin þannig að 9 dýr segja varla mikið. Held að hvalir séu ekkert heilagari dýr en beljur nema síður sé, jahh eða svín eða hestar eða hvað þetta er nú sem við étum án nokkurar samvisku. Talandi um mat og kjöt...ég er farin í hádegismat og ætla á Maður lifandi.

***

Ég negli og saga og smíða mér bát...

Ég virðist bara skrifa orðið einu sinni í viku. Það er nú samt ágætt...mikið af fólki sem skrifar mun sjaldnar, þannig að ég er mjög sátt við mig og mín slitróttu skrif!!

***

Helgin var fín...ekkert þunglyndi þessa helgina! Stundum dettur maður bara úr stuði og það er líka allt í lagi því þá veit maður hvað er að vera glaður :) Ekki satt?? Fór á sýninguna Konan í Laugardalshöll ásmat Lilju systur minni. Sýningin var ágæt, kom út með fulla tösku af bæklingum og 1200 kalli fátækari, en kærkomið frí að skjótast svona út ein, þ.e.a.s. engin kall og ekkert barn :)

***

Lenti í fyndnu atviki í stigaganginum hjá mér. Nágranni minn sem er ný fluttur inn og ég hef aldrei séð áður stoppaði mig og byrjaði að kjafta og kjafta...hann sagðist vera að fara til útlanda, hafi ekki farið svo lengi til útlandi og væri svo spenntur og blablablabla. Það fyndan var að allur farangurinn hans var eitt stk nærbuxur sem hann hélt á upprúllaðar í hendinni. Kannski ætlaði greyið strákurinn að kaupa sér föt úti en var bara svo spenntur að hann varð að hafa með sér auka brækur uppá völl ef ske kynni að prumpið væri í fljótandi formi...nei maður veit ekki!! En mér fannst þetta ferlega fyndið!

***

Fréttir af eldhúsinu eru þær að enn eru 2 vikur í það :( Ég er ekkert smá svekt. Var að vona að ég gæti eldað mat um þessa helgi...en neinei 1944 og annað rusl verður að vera á boðstólnum 2 vikur í viðbót. Ég verð nú samt að segja að ég er búin að vera mjög dugleg að fara á Grænn kostur og Maður lifandi. Finnst bara McDonalds og annað ekkert spennó lengur, ógeðslega rotinn matur eitthvað. Svo er það annað, ég er búin að kaupa safapressu og nú er hægt að fá nýpressaðan ávaxtasafa hjá mér, engin aukaefni og bara nammi gott :) Já maður er sko orðin svaka flottur að passa uppá matinn sem maður lætur ofaní sig.

***

Fólk vill fara að sjá myndir á Barnalandinu af húsinu og mun ég henda þeim inn í kvöld...ég lofa ég geri það :) Málið er bara að tölvan okkar er í einhverju fokki en ég get reddað því.

***

Jæja...hef örugglega frá miklu meira að segja en kannski maður dreyfi fréttunum út vikuna svo ég geti skrifað oftar! Er það ekki fínt?
Jæja ég kveð að sinni með sól í hjarta og söng á vörum (OMG lélegur endir).
HH