Einhver sem ekki vildi láta nafn sitt getið sagði mér að liturinn væri of skær og auðvitað verð ég að ósk lesenda og bara breyti honum. Vonandi er þessi skárri. Endilega látið mig vita. Hann er aðeins mildari og því vonandi auðveldara að lesa. Samt sem áður þá hefur mér tekist einhvernvegin að rugla í þessari litasamsetningu og nú sjást tveir hlekkir hjá mér bláir. Ekki veit ég afhverju í fja..... það kemur þannig en það verður vonandi lagað síðar.

Annars er jólajóla allveg að ná hámarki og hef ég afrekað að kaupa allar gjafir nema þó eina! Þessir kallar eru alltaf jafn erfiðir :) Ég er búin að fara í jólaklippinguna og heppnaðist það vel, sem betur fer!!! Það var nú klippt slatti af því enda orðið frekar tjásað og ljótt svo var það strípað og gert líflegt. Það er alltaf gaman að vera ný klipptur.

Nú er föstudagskvöld og klukkan að slá tíu. Þá fara búðir að loka og afgreiðslufólk örugglega guðslifandi fegið. Ég er nú búin að kíkja í Kringluna og þessa helstu staði og verð ég allveg geðveik þar inni. Þvílíkur troðningur og raðir allstaðar svo fær maður bara hausverk, allavega í Kringlunni enda loftið þar ógó. Fer eilífa hringrás og því má segja að þetta er sama loft/ið/leysið frá því byggingin var opnuð!!!

Jæja Disney myndin er búin í sjónvarpinu og ég ætla að tékka hvað er næst..... Já það er Jón Ólafs...ég elska þá þætti :)

Bið að heilsa kærlega

Sko ég vissi að ég mundi skrifa meira fyrir jól......

Hvernig líst ykkur á þessa bleiku síðu mína??? Skárri en sú appelsínugula ekki satt?? Endilega látið mig vita með því að tjá ykkur í shout outið sem er nýtt af nálinn hér.....
Kann ég honum Karli að þakka það. TAKK...

Þá eru aðeins 6 dagar til jóla.
Allir á fullu í jólaundirbúningi er það ekki? Ég er allavega komin í jólafrí og ætla að njóta þess svo. Ég er búin að vera að taka til og reyna að baka og þetta er allt að koma bara held ég. Meira að segja búin að kaupa flestar jólagjafir :)

Annars er ég s.s. ekket komin í neitt svaka jólaskap, mér finnst vanta snjóinn. Allavega smá hvíta jörð, ég er ekki að biðja um mikið.

Í gær var jólaball hjá KHÍ. Það var haldið á Hverfisbarnum. Þetta var nú meira svona kaffihúsastemming sem breyttist í sportkaffistemmingu eftir því sem liðið sturtaði fleiri bjórum í sig!!! Það var ekkert jólatré eða neitt þarna, nokkrar helíum blöðrur sem liðið var að gleypa.....
Áður en haldið var á jólaballið fórum við nokkrar hressar að borða. Ég, Guðrún Erna, Elfa og Arnbjörg Auðvitað var farið á Ítalíu og bregst maturinn þar aldrei.

Jæja held ég hafi bara ekkert meira að segja ykkur gott fólk. Skrifa nú örugglega fyrir jóla þannig að örvæntið ekki....

Jólabarnið Halldóra kveður.