Góða kvöldið, jahh eða góðan daginn eftir því hvenær þið eruð að lesa þetta.

Nú er föstudagskvöld og hér er ég...sit fyrir framan tölvuna og reyni að segja ykkur eitthvað skemmtó.
Ég ætla að byrja á því að þakka honum Bubba sem byggir kærlega fyrir kveðjuna í gestabókina, alltaf gaman að heyra frá skemmtilegu fólki :)

Í dag var ég í skólanum í smíðum nema hvað og er byrjuð að smíða þennan líka svaka kuta s.s. hníf.

Ég gerði dáldið í dag sem ég geri ekki á hverjum degi. Viljið þið vita hvað það er??? Ég fór í Smáralind, kíkti í Hagkaup að versla í matinn og fjárfesti í tveimur geisladiskum!!! Það er nú dáldið langt síðan ég hef keypt mér svoleiðis, enda er þetta orðið svo ógó dýrt, en ég gerði kjarakaup og fékk tvo þrusu diska. Sá fyrri er Queen, A night at the opera, ég keypti hann aðallega útaf einu lagi sem er Love of my life. Það er svo fallegt að ég gæti grátið, svona án gríns þá fæ ég gæsahúð við að hlusta á þetta lag. Hinn diskurinn er klassi sko, einhver safndiskur með konginum sjálfum Elvis, það eru mörg góð gömul lög sem hægt er að tjútta vel við taka eina feita dífu.

Fyrir aftan mig er sjónvarpið á fullu blasti og í því er djúpa laugin, jahh eða grunna laugin sem stendur nú betur undir nafni. Eitt sinn var ég nú beðin að taka þátt í þessari vitleysu og var svo sem næstum búin að slá til. Ég veit eiginlega ekki af hverju ég fór ekki, sumir kvöttu mig til að fara á meðan aðrir sögðu þetta allveg glatað, ég hlustaði á þessa sem sögðu að þetta væri allveg glatað!!! Núna veit ég að þetta er allveg glatað, ég held ég gæti allveg náð mér í gæja án þess að þurfa að auglýsa mig í sjónvarpinu, nú og svo er, ég fór bara á djammið eins og sönnum Íslendingi sæmir, drakk mig blinfulla, hitti strák sem mér leyst vel á (kvöldið sem ég hitti hann tók ég reyndar lítið eftir útlitinu þannig séð, sá bara rosa flott föt) nú og núna einu og hálfu ári seinna búum við saman og ekkert lát á þeirri hamingju....

Domani eða á morgun er ég á leið norður á Ólafsfjörð, bara svona í létta afslöppunarferð, hitta tengdó og fleira fólk, það er bara fjör í því. Svo verður maður nú að reyna að læra eitthvað þar, núna hrúgast verkefnin í skólanum og það eru auðvitað nánast öll HÓPAVERKEFNI, god, hvað maður er komin með nóg af hópverkefnum, en svona er lífið og það er bara skemmtilegt.

Jæja klukkan er orðin 11 að nóttu til og ég er farin að sofa, jáájá ég er orðin gömul....

Bless kæru lesendur.

Hæhó allir saman sem lesa þetta blessaða blogg mitt.
Það er að segja þið tvö sem kannski skoðið :)

Núna er ég í skólanum sem oft áður, fínt að vera byrjaður í skólanum þá kannski verður maður duglegri að blogga. Ég meina það er miklu skemmtilegra að gera það en að fylgjast með boring fyrirlestrum!!! Vonandi að engin kennari lesi þetta og felli mig, það yrði nú ekki gott.

Allavega, núna er ég í smíðum og er að bíða eftir að límið á bátnum sem ég er að smíða þorni. Ég er að gera svona leikfangabát sem ég get svo tekið með mér í bað, það er svo gaman að hafa eitthvað með sér í baðið, þó maður fari nú sjaldan í bað, ekki það að ég sé ekki þrifin, heldur er sturtan meira notuð á mínu heimili....

Um helgina stendur til að skreppa norður á Ólafsfjörð að heimsækja tengdó, við ætlum að skreppa á laugardag eftir skóla hjá Ásgeiri og koma heim á mánudag, því það er frí hjá mér á mánudag og Ásgeir mætir aldrei fyrr en eftir hádegi :)

Allavega límið er örugglega þornað, ég er allavega upp þornuð með umræðufeni....eða skriftar efni
Heyri í ykkur síðar.

Halldóra

Dúdda-mía.
Klukkan er átta árdegis og maður er byrjður að blogga!!! Það gerist nú ekki oft. Þannig er mál með vexti að ég er í skólanum og skutlaði fyrst Ásgeiri því hann á að mæta klukan átta en minn tími byrjar ekki fyrr en hálf níu, þannig að hér sit ég....

helgin hjá mér var fín, sem endra nær, fór í afmæli til systra minna á laugardaginn, þar var margt gómsætt á boðstólnum eins og brauð, pesto, rauðvín, bjór, nachos og margt fleira, dáldið svona suðræn sveifla í þeim systrum sem leggst vel í mig :)
Nú svo á sunnudeginum þá var ég bara prjónandi allan daginn, ekkert smá dugleg, enda er peysan að verða tilbúin, jeiiii....
Jæja skrifa smá meira á eftir... see you then