Ég hef ákveðið að halda áfram að hugleiða hér á blogginu, því undirtektirnar voru svo gríðarlegar frá lesendum.
Takk Kalli.

Hvernig litist ykkur nú á það að ég færi í politík? Er einhver sem býður sig fram með mér? Er stjórnleysa hér á landi eða ekki?
Sko.....ég er nú ekki mikill pólitíkus í mér finnst svo sannarlega vanta eitthvað uppbyggilegt hér, eitthvað jákvætt og eitthvað satt.

ÉG TEK ÞAÐ FRAM AÐ ALLT SEM BYRTIST HÉR ER SKRIFAÐ AF ANDA MÍNUM OG ENGIN ÁBYRGÐ TEKIN Á ÞEIM ORÐUM SEM MUNU FALLA.

Ísland úr NATO herinn burt hrópa margir, hinir eða sama liðið hrópar Ísland í ESB frelsið burt. Erum við ekki að glata frelsi okkar með því að vilja vera í þessu sambandi?? Afhverju getum við aldrei verið bara við sjálf, Íslendingar, stolt af því? Er þetta einhver minnimáttarkennd? Verðum að vera hluti af stóru batteríi stjórnað af öðrum löndum? Hvað ætli hann Jón Sigurðson segi nú ef við bara nánast gefum frá okkur sjálfstæðið? Hann og hans fólk sem lagði sig allt fram í að gera Ísland að sjálfstæðu ríki og það var sko ekki auðveld vinna. Það vantar samstöðu í landsmenn hvar er baráttan? Við sem getum staðið saman ef safna á peningum fyrir einhverja, en ef frelsi er í húfi er annað uppi á teningnum.

Hver kýs stríð? Allveg örugglega engin. Ég geri það a.m.k. ekki þar sem ég er mannvinur. Afhverju eigum við að fara að herma eftir USA og því liði og flykkjast í stríð? Eigum við þá ekki að fara að senda syni landsins í her, jahh bara hafa herskyldu fyrir drengi 17 ára og eldri? Sendum börnin í opinn dauðann. Það gæti verið ágætis slagorð fyrir stríðsþyrsta menn. NEI segi ég við stríði og öðrum bommbum. Einbeitum okkur að vandamálum landsins, það er víst nóg af þeim. Áður en við förum að reyna að leysa deilu milli trúarbragða í sitthvorri heimsálfuni. Ísland fyrir fólk með gott hjartalag.

Þar sem klukkan nálgast nýjum degi er best að fara að sofa og vakna með bros á vör í fyrramálið, eða um nón bil, það er nú einu sinni frídagur á morgun.
Ykkur sem sitjið sem fastast við tölvuskjáinn og veltið fyrir ykkur þessum hugleiðingum mínum segi ég: Vaknið til lífsins.

Halldóra kveður.

Jæja dúllur.....
TAKA TVÖ.... ég var búin að skrifa þennan líka langa og flotta texta (jú í alvöru) en svo bara BOMMMMMM allt horfið, það pirrar mig dáldið én ég má ekki láta það bitna á ykku kæru lesendur. Þ.e.a.s. ykkur fjórum sem kíkið á síðuna. Já nýjustu tölur sýna að það voru fjórir búnir að kíkja í dag. Mér finnst það nú 1/2 svona lélegt, finnst ykkur það ekki? Ég ætti kannski bara að leggja þessa iðn mína niður? Hvað finnst ykkur? Tjáið ykkur í gestabókina um það.

Í dag er miðvikudagur sem þýðir aðeins eitt.....ÉG ER AÐ SPRINGA, var í matreiðslu og það er allveg ótrúlegt hvað maður er alltaf hreint að elda mikið. Í dag var þema hjá okkur og var þemað Grikkland. Við elduðum kjúkling, kartöfluböku með spínati og fetaosti sem var rosalega góð, svo var einhver annar kjötréttur, sveppir í einhverju gúmmilaði, nú svo auðvitað grískt salat og grískar smákökur og brauð. Ég er örugglega að gleyma einhverju, en vá hvað þetta var gott og hvað ég er södd maður lifandi sko.

Í gær brá ég betri fætinum undir mig og skrapp á tískusýningu hjá Tinnu. Þar voru margar fallegar flíkur, allt hreint prjónað eða heklað, allveg ótúlegt hvað sumir eru myndarlegir í höndunum. Svo ykkur að segja sem vissuð að ég var að prjóna, þá er peysan tilbúin, hún er fín í þennan fimbul-kulda sem geysar úti.

Ég var að kveikja á sjónvarpinu og þar var myndband með Christinu Aqulera. Hún var að busla í einhverri vaðlaug í s_í_ síðu pilsi og skinnpjötlu um geirurnar. Brruuu hugsa ég nú bara, en hvað er málið? Ætli þessar gellur syngi einhvað ver í buxum og bol? Eða er þetta bara "púra" athyglisýki? Það er ekki furða þó krakkar í dag séu að verða eitthvað brenglaðir og fimm ára stelpur farnar að fara í megrun. Fyrirmyndirnar eru svona og auðvitað vilja krakkarnir líkjast þeim. Svo er það Eminem sem rappar um að drepa og dópa. Ég var að rölta í gær úr skólanum og sá þá um 12 ára púka reykja fyrir utan Hlemm, "geðveikir töffarar". Hvar eru foreldrar þessara barna? Er þetta lið orðið sjálf ala eða hefur það alltaf verið það, er engin agi í þessu þjóðfélagi?
Þar sem ég er nú í Kennó þá hefur mikið verið rætt um aga og virðast allir vera sammála að það vanti aga, en samt má ekkert gera!! Foreldrar verða allveg brjálaðir ef kennarinn svo mikið sem andar á krakkana þeirra. Hvað yrði þá sagt ef ég mætti með prikið í tíma?? Úfff ég yrði nú fljótt rekin, þó svo að ég myndi kannski ekki brúka það. NEI segi ég, það stórlega þarf að gera eitthvað og það er bara eins gott að fara að byrja, því heimur versnandi fer og við verðum nú að reyna að sporna við þeirri þróun.

Hummm látum okkur sjá... hvað var ég nú aftur búin að skrifa meira áðan þegar allt datt út?? Man það hreinlega ekki...

Þannig að ég er að spá í að fara bara að borða, jájá þó svo að það hafi verið rosa hlaðborð í hádeginu þá get ég alltaf á mig blómum bætt.
En í alvöru talað, eru tilbúin að ég hætti að skrifa hér?? Ég sem er að spá í að fara að hafa pistlana mína meira uppbyggjandi og þenkjandi. Það er að segja, eitthvað svona sem ég er að pæla í. Mig vantar samt svona þar sem aðrir geta tjáð sig, einhverskonar "shout out" eins og það kallast.

Jæja Halldóra kveður.

Í hvernig heimi lifum við?
Ég hef mikið verið að velta þessu fyrir mér í dag. Fólk er drepið í tugatali, aðrir deyja úr hungri svo hafa aðrir allt það sem hugurinn girnist. Auðvitað er svo fólk sem lifir einhverju þarna á milli. En er þetta sanngjarnt? Mér líður allavega ekkert vel útaf því, það er eitthvað að angra mig í hjartanu. Sjáiði hvað gerist á Bali, það voru eintómir ferðamenn drepnir. Ég er farin að halda að við förum að svífa inn í nýja tíma; tíma óöryggis, minnkandi traust gagnvart náunganum og heft frelsis. Auðvitað vona ég ekki en mér bara líður þannig núna......

Yfir í aðra sálma, vonandi léttari......Ég var að hlusta á fréttirnar og þar er einhver kona sem er að kæra ráðningu sem einhver kall fékk á Keflavíkurflugvelli. Ég er nú kona, en þurfa þær alltaf að vera að kæra og rífa sig þó þær séu ekki ráðnar, ég fer að vorkenna greyið köllunum!!!! Þau voru jafnhæf með svipaða menntun og kallinn var ráðinn og konan bara allveg brjáluð. Þetta fer að pirra mig, sættu þig við að vera ekki ráðin og farðu að hugsa um eitthvað annað. C´est la vie.



Take the Purrsonality Quiz!

Jæja hér kom svo eitt próf að lokum.
Ég kveð ykkur nú kæru lesendur, elskið hvort annað.
Halldóra