Manchester england england

Komið að einu bloggi svona rétt fyrir helgi.

Búin að vera heima lasin í gær og dag, með hausverk, hita og hor. Ekki beint spennandi. En vonum að þetta fari nú að koma.

Á mánudag hefst hér bloggáskorun ojá þið lásuð rétt, ég skoraði á Kalla í smá áskorun. Ég hélt þetta væri lítil og skemmtileg áskorun sem fælist í að blogga daglega í viku en hell no vikan en víst MÁNUÐUR. Shitttt hefði nú varla farið útí þetta ef ég vissi það en það þýðir ekki að bakka með þetta. Á mánudag verður ný færsla og daglega þar eftir í mánuð. 150 slög copy/paste ekki talið með... Óskið mér góðs gegnis, því það ku víst vera verðlaun :) En ég held ég sé fyrirfram búin að tapa þar sem ég er að fara til MANCHESTER í byrjun júní...

...jeiiii hvað ég hlakka til. Þetta er svona mæðgna ferð, fer sem sagt með mömmu, og systrum mínum þeim Lilju og Siggu. Förum á föstudegi og komum á mánudegi :) Þar ætla ég að versla frá mér allt vit (þarf ekki mikið til) og njót lífsins.

HH

I wish I was a lollypop...

Þá er mánudagur kominn í allri sinni dýrð. Helgin horfin og kemur aldrei aftur jahh allavega ekki liðin helgi. Vonum þó að veðrið sem var um helgina komi aftur.

Var dregin á föstudaginn í bootcamp með Kristínu, ég bíð þess ekki bætur. Var með harðsperrur í vöðvum sem ég vissi ekki að væru til, ég er rétt farin að labba eðlilega núna. En engu að síður var þetta gaman :).

Ég og Ólafur búin að vera að mestu ein heima um helgina, Ásgeir að vinna og læra nóg að gera í því öllu. Fór í sund á sunnudagsmorgun í brakandi blíðunni og OMG þvílík stappa. Þar sem ég vaknaði mjög snemma ákvað ég að halda í fyrri kantinum af stað og ákvað líka að fara í "rólega" sundlaug þannig að við mæðgin enduðum í Vesturbæjarlauginni. Eftir að hafa náð sturtu og bleytt sig í henni (það láku kannski 3 dropar úr sturtunni) þá stökk ég ofan í laug og ofaná 2 fullorðna karlmenn og 5 börn þvílíkur var troðningurinn. Ólafur náði að fara nokkrar ferðir í rennibrautina og leika smá með bolta þanngað til karlmaður á fertugsaldri tók af honum boltann og fór að leika í körfunni, þá gafst ég upp!! Fór í dropa sturtuna og út! Eftir að út var komið fengum við okkur ís og héldum heim í dalinn.

Var svo þreytt í gærkveldi að ég tók video já hef ekki gert það í aldrir (sko tekið video). Hlunkaðist út á leigu og tók myndina Just friends man ekkert um hvað hún var nema feitan strák sem er skotinn í stelpu og svo verður hann mjór og ríkur og fær stelpuna!! Nóg að vera mjór ríkur og sætur þá brosir heimurinn við þér og sætu stelpurnar líka :)!!!!

Mætt til vinnu núna og er í gati, er ekkert að nenna að vera hér og er búin að vera að velta því fram og til baka hvort ég hafi tekið ranga ákvörðun með vinnu næsta vetur...æjjj hætta að hugsa svona, maður á að vera ánægður með að hafa og geta unnið!!! (krappppp).

Knús til ykkar og koss til þín ;)
HH