Úti er alltaf að snjóa.

Allt að gerast í heiminum í dag. Þorskur að drepast í tonnavís fyrir austan í einhverri eldishví, Becham grrrr flotti foli á leið til USA, haaa bíddu kunna bandaríkjamenn að spila eitthvað annað en ruðning? Nei maður bara spyr sig. Og fíf... Bush að fjölgja hermönnum í Írak.

***

Aftur á móti er ekkert að gerast hjá mér...allavega ekkert sem ég vil deila með ykkur. Fór í vinnu í morgun, reyndar líka í gær, svona til tilbreytinga. ekkert að gerast þar og hefði eins getað verið heima hjá mér að setja í þvottavél eða eitthvað. Veit hreinlega ekki hvort er skemmtilegra. Reyndar þeir sem búa með mér vita allveg að ég elska að setja í vél og ef verið er að leita af mér á heimilinu er alltaf fyrst athugað í þvottahúsið, bankað og kallað ertu heima hjá þér!! Þetta er voða fyndið allt.

***

Helgin er þéttskipuð hjá mér og elska ég að hafa eitthvað að gera. Þrífst ekki í að gera ekki neitt (reyndar kann ég ekki að láta mér leiðast). Er að fara út að borða á morgun með góðum hóp af stelpum. Laugardag skelli ég mér í hádegisleikhús með familíunni jebbb Skoppa og Skrítla here we come!! Svo um kvöldið á styrktartónleika, sem haldnir eru fyrir Tjörva en hann er lítill kútur sem vinkona mín á og greindist hann með krabbamein og er nú í meðferð í Sverge. Þannig að við gellurnar úr Kennó-saumó ætlum að mæta á staðinn og styðja okkar fólk.

***

Það er kominn vetur í borginni. Allt á kafi og ég elska það :) Kannski maður fari út að renna á morgun.

***

Bíllinn okkar er DAUÐUR, alveg svoleiðis stein dauður, borgar sig ekki að gera við hann enda vélin ónýt. Þannig að við skröltum á bláu druslunni sem er á sumardekkjum í þokkabót. Er einhver þarna úti sem vill gefa okkur bíl? Við erum alveg til í það. ;)

***

Jæja nóg í dag, held ég skelli inn nýrri könnun og ekki vera feimin að tjá ykkur.

HH